الهـــواء مـاهـــوب عـيــب ولايـعـيــب مـن هــــوا
_________ولايـعـيـب الــرجــل حــبــه لـلــعـــذارى والـنــسـا
الـهـــواء درب نـظـيـــف ولامـشــابــه مـــن غـــوا
_________وتــايـــع الـمـــلـه غـــرامـــه نـــازع عـنــه الـكـسا
لـه قـيـــود ولـه حـــدود ولــه تـحــــالــــف بـالـنـوا
_________خــالــي مـن عـيـب شـرعـي ومن لعل ومن عسى
الـهـــواء جـمـعـا نـحــبــه هـــو مـرضـنـا والــــدوا
_________بـه نـهــيــم وبــه نـغــيــم تـحــت جـــو مـــونـــســا
الـســعــاده فــي طــروقـــه وســألـــوا اهــل ا لهـوا
_________بـالـعـشــر تـبـصــم بـأنـه مــن مـشـابـه مــانـســى
واللـه الـلــي نـزلــه فـالـقـلـــب وايـضــا فـالـشـــوا
_________وفــي مـثــان الــدم مـبـحــر والـجـســد كــله رسى
يـشـبــع الـنـفــس الـعـلـيـلـه مــن ضـمـاهـا والطـوا
_________ويـبــري جــروح قـديـمــه طـبــها فـيــهـا عـســى
يـنــزل اهـمــوم الــرجــال الـلــي لـهـا بيت وحـوا
_________ويـفـرح حـجـاج الـذي مـن لـيــن عـــوده قـد قسى
الـهــواء ثــوره ســعـاده عــــدهــا فــيــه الـــرواى
_________ومــن ورد عــد الـهــواء الضيق عن صدره خسى
لـه غـيـــوم ولـه بــروق ولـه ســحــاب فــالــجــوا
_________كـالــربـيــع ليــا وطــى دار الـبـــدوا بـه تـونـسـى
يـحـيــي الـعــود الـهـشــيــمـه ولـلــورق كله حـوا
_________ويـسـقــي الارض التـي فـيـها الجـفـاف يقـسـقـسى
ويـتـبــدل حـالـهـا عــقـــب الـتـعــري والـخـــــــوا
_________وتـلـبــس الـثــوب الخضر وبأزكى النسيم تنسنسى
ويـطــرب الـعـشــاق زيــن فــوق خــدتـهـا إنــزوا
_________وتـفـتــن الـلــي شــافــهـا بـالـعـيـن وإبها وسوسى
الـهــواء يـجــعــل قـلـيــل الـبـــاس كـامـل لـلـقوى
_________ويـتــجــدد بـالـنــشــاط وللإراده كــــرســــــــــى
والـهـــواء بـيــت وســيــــــــع وآمـــن مــابــه ذوا
_________والـوحــوش الــذاويــه بـلـيــا شــــراب او حـسـى
والـهـــواء يـجـمــع ولـيــف مــع ولـيــف لـه سـوا
_________تـحــت شــرع العـشـق تمـشـي بالصباح وبالمسى
بــالـتـــآلــف والـتــقـارب والـمـحـبــه ورضـــوى
_________وصـــدق مـنـطــوقـه ذهـب مـاهـو بنطـق مفلفسى
الـشــــرف اول صـفـاتـه وبـالـنــزاهــه ارتــــوى
_________وخــالـصــه فــيــه الـنـوايـا وغـيــر ذلك لنكســى
عــفـتـه عــفــه ســلـيــمـه مــابـــهـا كـــذب ولــوا
_________وخــالـيــه مـن خـــدعــه اللـي بـالـكـلام يـبربسى
الـهـــوا يــبــنـــي بـيـــوت راســـهـا طـــاح وذوا
_________ويـجـمــع الـشــمــل الـمـمــزع وللـنـفوس ينفسى
كـالـبـحـــر قــد شـبـهــوه الـنــاس قـبلي في سواء
_________وغـبـتـه غــبــه عـمـيــقـه ومـن مـشـابـه يرمسى
ولاذكــر تــايــب قــديــم ولاجـديــد لــه طــــوى
_________وكـل عـاشــق مــع هــواه لـكــل باب مـتـربـسى
الـهــواء مـوضــه تـزكــرت لـذيـبــهـا يومه عوا
_________وتـتـبــع احــداث الـعـصــر فـالنـطق ويا الملمسا
كـيــف مـمـيــز عـلـى قـلــوب الـمـخـالـيـق التـوا
_________ولاحــد مـن قـبـضـتـه سـالـم عـــلاهــم روســى
لـه فـنــون ولـه عـيــون ولـه طـعـون ومـحتـوى
_________ومــن عـنــاه الـنــاس تـفــرح والعـقـول تهلوسى
يـجـلـب الـهـم الـشـديــد ولـسـعـتـه مـثـل الكــوى
_________ولايـمـوت ولاحــد يـقــدر لـرجــلـه يـركـســــى
عــايــش عـلــى الـعـنـايـه والـحـفـاوه مـاصــوى
_________سـيــد اخــذ مـكـانـه فـالـقـلــوب مـقـرنـســـــــى
لـلـنــشــامــا والـعــذارى ضــابــط بــرتـبـه لــوا
_________ومــدرســه مـنــهـا الـمـكـاسـب والـفـوايـد تلمسا
جـنــه الـدنـيــا هــواء الخـفــرات مـاعـنـها حـدوا
_________ومـن تـفـوتـه جـنــه الـدنـيــا يـسـمـى الـمـفـلـسـا
هـن سـمـوم لضيـق صدرك يومه لصدرك شواء
_________وهـن عـدو الهم كان انه لغزوك قد حـسـى
هــن قــراح الـمـاء وعــذبـه وفــي حنـين لرغوا
_________بـك حـنـون ولـك ولـيـف ولـك طـبـيـب مـنـفسى
وقـدمـنـا الـشـعـار قـالــوا انـه افـضـل مـسـتـوى
_________مــع تـمـام الـديــن لـبـسـك مـن خـيــار الـمـلبسا
الـهــواء تـاج الـرجــال وعــزهـا والـمـهـتـــــوا
_________والـوســام الـلـي بـحـاضــرنـا يـكــون ومرمسى
والـهــواء يـبـقـى عـلـى مـر الـلـيـالـي مـاهــــوا
_________عـالـي قــدره وشــانــه وبـالـعـيـــون يـنـعـســى
والحـيـاه بـلاء هــواء فـقــر عـلـى العالم ضوى
_________ليــن عـقــم لـلـحــوال وللامـانـي لـيـــســــــــى
والـخـتـــام ان الـهـــواء قـايــد ولاهــي بـهـقوى
_________تـحــت قـاعــدتـه تـروح اهـل الهواء ثم تنكسى
الشاعر
فواز علي الروقي
مدونة فواز الروقي الأدبيه 