قصيده للشاعر الكبير : فواز الروقي ” شاعر الوحده والسكون

تختص في الحفلات التي تسمح للمستشعر او مشتري الشعر او المتعلم حديثا للشعر في العبث في الساحه عن طريقها مع احترامنا للجميع

شـعـر التهانـي ياعـرب مانـحــــسـه  ‍  

 ماهـوب محسـوسٍ ولاهـوب ملمـوس

والشاعـر اللي مانـظـم صدق حـسـه  ‍

منحـوس واللـي يستمـع فيه منحـوس

ونـظـمٍ عـلـى التقليـد انصحك دسـه  ‍

شعـرٍ بليـا شعـور مايشـبـع الـروس

وشاعـرٍ مانومـس معرسٍ ليل عـرسـه 

مـتـعـوس واللـي كاتبه معه متعـوس

والنـظــم فالتـقليـد كــــــــلٍ يـعـســه  ‍

عسـوس تمسـيبـه وتصبح به عسـوس

ومـن كثـر مالعالـم تجـيـه وترســه  ‍

غـدى جماله فـي هذا العصـر مطمـوس

غـيــر لشـكله قصـــــــــــره أو مـسـه  ‍

مـفـروس منك ومـن هـذولاك مفـروس

صـكـوا لبـاب الزيف والنـهـب بـسـه  

ياللـي هـدفكـم فالشـعـر كله فلــوس

والاء تـعنـابـه وتــدرس لـدرســه  ‍

وليا عـرفتـه تـنـتـج حـكـم ودروس

واللـي مـتسـاوي في جـديده ومرسـه  ‍

ماهـوب شاعـر لو يزيف لنـا إحسـوس

إرسـم عـمـلك ولايجـي فيـه هـسـه 

ودوس للــي يضـدلـه بالـرجـل دوس

ومـن خـسـله الله يخـسـه بخـسـه  

وعساه يمسـي خالي العـقل ملـحـوس

وأشـعـل عقـود العـز والـذل طـسـه 

ولاتـورد الهقوى على عـد مطـسـوس ‍

واللـي يعـوم بكـل حـفـله وبـرسـه

تفـوقـلـه بـرج الطلاييـن وتـيـوس  ‍

مـريض وهـم وزاد وهـمـه بلبـسـه 

ومن الثـقـه تقـول من تحـت محبوس ‍

على العـروس تشـوف صحـوه وعمسه

قبـل تـوزع كـوس مع شخص منكوس  ‍

ولاكـل من فـسـفـس بأيات فـســه 

نـقـدمـه مـدام ماهــوب فانــوس ‍

هسه نســـوي ياهـل العـرف هـسـه  ‍

فـي كل حـفـله لـوهـا ماهـي عـروس


الشاعر : فواز علي الروقي

” شاعر الوحده والسكون ”