باي بدل هاي

 

البارحه قمت أضــرب الرآي بالــرآي

__________وأسأل هجــوسي مــن تصيب الهقاوي

 

نــوبٍ أســـرحـهـا ونـــوبٍ بها جـــاي

__________ونــوبٍ أبعـثــرهــا وأقـــول المـنـاوي

 

ونــوبٍ أفـســر كـلـمـةٍ فــــي محـيــاي

__________وأنـسـج حكايـة حب فــي قلب هـــاوي

 

أكتب وأشطب ماســبـب كل شــكــواي

__________شكوى زمن ماهــي بـمـثـل الشــكاوي

 

ونـوب آتـريـض لحظةٍ وأفـلــي ارداي

__________وأقــول إســمـــك بالـــردى يــارداوي

 

أضرب من الأشوار وأخطيت معـنـاي

__________وليــا ذكــرتــه قـلــت مـعـنى عـنـاوي

 

ومــن غـفــوتـي فـزيـت كني إبي دآي

__________كنــي مـريـضٍ أيـســـوه الـمــــــداوي

 

ورحت آتمختر يم شــوري وذكـــراي

__________بــعــد مـافــات الحبل إحـدى العراوي

 

عـن مركب التاريخ عـن منطـق الباي

__________عــن ساعةٍ فيها تضيـــــع الــعــزاوي

 

عــن حـاضــرٍ مـاينطبق مـع سجاياي

__________ولاأقــدر أصـافــح سـاعده بالجـراوي

 

عهد التطــور ماحمل بعض هـقـــواي

__________والأمــر مـابـيـنــي وبـيــنـه ســمـاوي

 

ويـوم إخـتـلـفـنـا قـلت باي بـدل هــاي

__________صحيــح مايصلح تـطـــوروشـــــاوي

 

الشاعر

فواز علي الروقي