جاني وتخفي كلمه البعد عينه =جاني وضحك السن غطى على العين

واقفى وخطوات القدم وين وينه= يدبل الخطوه وانا اسأل على وين

غره زمانه واتبع بايعينه= وحنا لحب الزين نغلي وشارين

شريت حبه بالحياه الثمينه= وفي حبها اقول من غير تثمين

عقب الشقى سكنتها بالسكينه= وسكنتها في داخل القلب تسكين

وزرعت حبه لين اصبح مدينه= ترجح مدينه يوم رجح الموازين

عشت بحياته عمر جزء لسنينه= وعاش بحياتي يوم وشهور وسنين

يبدي علي اليوم زينه وشينه= مخفى بعمره يوم زينه مع الشين

ونفس الشعور ابادله عاشقينه= وابادله بالحب غير المحبين

كانت ملاك الارض ياغافلينه= ملاك فوق الارض والناس غافين

حوريه بدر البيادر جبينه= وصفه عقود الماس بالفم زاهين

من نور ثغره صعب وصفي لزينه= كمنها فالجمع سيد المزايين

وزمات صدره مثل مجمع يدينه= بنهدين مثل التين وسط البساتين

وفي رمش عينه سهم موتة رهينه =هذا الصحيح ولايباله براهين

بس الزمن غدار يامحترينه= هو يحتري متحري ومتحرين

ياما جعل موت النشاما غبينه= وياما زرع فالحب كل التغابين

وياما ركب قومِ سبق راكبينه= وياما تمثل بالردى للموالين

وياما فرق بين الحبيب وظنينه = وهدم طراةِ بين ناس متصافين

وانا حبيبي اتبع مرشدينه =وراحت به اهدافه براي الموشين

اللي منول كايد مزاعمينه= اليوم ضدي كل هرجه سكاكين

ومدام خلي طاوع إعويذلينه= ويرسل لحون وشاة قومِ موشين

معاد انا تباع حبك بثينه= وحلاة حبك جاوزت قلب شخصين

اقولها وجروح قلبي دفينه= ادفن الم حبك وذكراك تلهين

وحبك بقلبي NO تستاهلينه= من يوم صرتي فالهواء تستشيرين

ابغا ادله خاطرِ تجهلينه= الين ما ياهموم قلبي تجلين

 

الشاعر

 فواز علي الروقي