دار الزمن وإستدار ببكرةٍ خرده = وغدر الليالي سقيم العقل ناسيها

وأقفت مع السانيه يوم إنثوت حرده = في جمةٍ مانجى منهو وقع فيها

ياغابر العصر وقتك إلحق لشرده = وفريسه السبع يطرحها مايرميها

ياقرد صحصح وعلم إختك القرده= عن نكسه الكون حاضرها وماضيها

وحمل حمولك ونزل حمل مشتده= منته بكفو الثقال ولنت راعيها

وإن كان هزت الرخاء ماتنطح الشده= والكلمه الغانمه منتم بأهاليها

أكشن ومترمقاس الورك والحده = وغذ كرشك مدامنك مسويها

ياثالث الحور قده منزلك قده = منته ببنت المره ولنته بناخيها

دنياك تخفي ونظهر كامل السده=ونستخرج العله اللي انت تخفيها

نقاوم الوقت يومك بارد الخده = نفوس نقتلها ونفوس نحييها

قمنا على الدين وانته تتبع الرده =أشباهك اللي عدو الله مغويها

أطرق فراشك وأنا بجيك وامده = وأفل للسبحه اللي عابثٍ بيها

ياحادر الدرب صوفك جيت أبا أجده = وأظهر لصورتك دامي صرت واليها

بشين العمل جيت والله سلمك عبده = وحط الدويمع على الفطر بتاليها

واليوم فوقك أشن حروب مرتده =وجيوش أميرك مثيلك مايناحيها

منته بنده وتخسى منته بنده =وأشكالك البايزه ماني مجاريها

دنياً حسدها يخل الكبد منبجده = ورعيتٍ تبعنا يحسب مانحصيها

لديت وجهي مدامه قد وجب لده = وأقصر الخطوه اللي طاش ماشيها

عشرين عامٍ تمد الحبل وأمده= ومن فوق روس العداء نزلت اذانيها

ممشاك خمسة عقودٍ ماشرت فرده= وممشاي لحظه زمن منته بغاويها

فيها بنيت الفخر واصبحت معتده=تشهد بها الناس قاصيها ودانيها

وياغابر الوقت حده دوك وأحده= وبالشعر روحه أبطبخها وبشويها

خبلٍ مع الغرب ينسب عدنا عده=جاهل يحسب العرب تجهل معاديها

وياغابر الوقت ود العلم إله وده =وقله سرايا أميرك جاك باديها

 

الشاعر

فواز علي الروقي