بسم الله الرحمن الرحيم

——————————

سلمولي على الدويش سلام الكرام = من هجوس العتيبي صادقه للأمير

جعل مافيه باس وجعل وضعه تما م= وجعل حاله بخير وجعل عمره منير

ثم قولوا حلالك خش فيه الحرام = وعملاء شركًتك يشكون شكوى الضرير

إنسرق حقهم بإسمك وبسم النظام = والنظام الحقيقي بغيبتك مايسير

وعملاكم وانا معهم مانرضى إنهزام = ودام للكل عاقل هان درب عسير

الفواتير تدبل وتندفع كالسلام =لنعدام المعرفه ولاش فينا خبير

لين قمنا نحسب للهلل فالكلام = كي نوكد تظلمنا نهار القرير

ويوم حنا عرفنا ماعلينا يقام  = مارضينا مسار  الظلم فينا يسير

وجيت عند الموظف  لياه مدير عام = وجيت عند المدير لينه ايضا مدير

وابتلشنا مابين الصافيه والعسام = الكلام معسول ومن ظلمنا المجير  

والبطاقه سواء رصيدها مايضام = يسحبونه وقسم للكبير وصغير

ونتصل بالدعم واثره  باحلاء منام = وبكل وادي يهيم ابناء سوات البعير

وقام ينسب خطاهم للخوال وعمام= غابر الوجه صير شي مالايصير

نشرح الوضع الهم وهمنا ليس هام = وكل سالب علينا لهمهم مايثير

ان رفعنا قضيه نحتسب  للملام = ولن سكتنا غبينتها تغبن الحمير

ويانظيف النوايا ياقوي الهمام = لاتحلل يدانا ترتفع للنصير

الهواتف تعاني كلها بشكل عام= والفواتيرتنقل من غني لفقير

والخدمات صارت كلها ماتلام = دام صارت تطير واصلها ماتطير

وضع فاق الخيال وفاق للاحتلام= وفعلت مثل هاذي ماني الها غفير

كم باقه شرينا لكل غالي مقام = للسعاده تهايقنا يشر شرير

قاله الك العتيبي ماتجر فالجرام= دوم مخباه فاضي بس حر ويطير

شل شين الطبيعه ياقوي الحزام= والعماله عملاكم من سببها نفير

والعرب ذمها لشركتك كسى العدام = يوم سر العميل يباع ماله سرير 

وتعصب علينا بالخيانه عوام = وينتخي بالامانه كل نذل وحقير

والعصابه تعاهد بالاذى وانتقام = وفي ذراكم تقوى كل وسخ نكير

وكل سربوت قبل العام يسرق حمام =صارجيشه علينا كل يوم يغير

ولاش غيرك يسير للامن والسلام = جذ درب الفساد بخبرتك ياخبير

قالها اللي يقدم سومته مايسام= يوم محد تكلم ولاوجدله نظير

شاعر كالدواء وان زعل صار سام = وبحر فيه الامان وبالمخاطر وفير

والنهايه عتيبي واختتم بالسلام = ياكبير المقام ويالمهم الكبير

 

 

الشاعر : فواز علي الروقي