لبنان روح مراح مقاط

يصيح ويدور النجده

 

والحزب يمغطه كالمغاط

وصارت على الحكم مرتده

 

نار وشبت من الشخاط

واللي وراها لعن جده

 

وصارت نهايات وانحطاط

وآراء حكامها قده

 

وكل الاسماء بلاء نقاط

وكل ريس نسى وعده

 

بريهم يقرطه مقراط

والفاجر ابهم بداء جده

 

وانماط شعبه ماهيب انماط

تقول للحزب منحده

 

شفطهم ايران بالشفاط

وهمه منول كما ا لورده

 

وناموا على الرمل والبلاط

اللي منول ماهم قده

 

اسقاط من فوق جوك اسقاط

وخالفوا راعي العده

 

واليوم منهم يفوح اشياط

والموت بارواحهم وقده

 

عموم يخلطهم الخلاط

هذا جزاء للي ظهر سده

 

كلامهم كلبوه اخراط

وامرهم يفقد الشده

 

تصوط لحوالها وتساط

والراشد ابهم غدى رشده

 

وبكل اذاعه كما الوطواط

واعذارهم نطلب النجده


الشاعرالإعلامي : فوز علي الروقي

المعروف بإسم : شاعر الوحده والسكون