بسم الله الرحمن الرحيم

السلام عليكم ورحمه الله وبركات … اما بعد

هذه القصيده سويتها مرثيه في احد مشائع واعيان العوازم الذين شيختهم ليست بتولي مركزا او منصب ولاكن

متوارثه كابر عن كابر وهو شيخ يحمل معنى الكلمه

وهو الشيخ

مستور بن معجب بن بدر العازمي العتيبي رحمه الله

وانه لمن الحميمين على قلبي بشده ومن المقربين إلي في السراء وفي الضراء رحمه الله

فكانت وافاته بالنسبه لي فاجعه لم يحصل علي فاجعةً مثلها قط واتمنى منكم التفاعل الحي مع المرثيه

تحياتي لكم

 

 

 

مرثيه الشيخ مستور

مــرحــوم يازبن الكســيــر المخـــلى

……..مــرحــوم يـاشــيــخ القروم المناعير

مــرحــوم يـاللـي فـالمـعـالـي تـعـلـى

…….مــرحــوم يـانـسـل القـروم الشواهير

عــســى جــنـان الخــلـد فـيـها تولى

……..ويـغــفــرلك المعبــود كل الغـوابـيـر

عـسـاك بـالفـردوس دايـــم تـظـــلـى

……..وتـســكـن جـنـان الخــلـد بليا كوادير

الطــيـب فـعـلـك والكـرم فـيـك حلى

…….والمـرجــلـه مـلـكـت فـيــها مظاهير

يـمـنـاك تـعـطـى والرداء عنك زلى

…….وطيب ماهو طيبك رجاله عصافيـر

انت الــذي فـي ساعه الضيــق تبلى

…….يــوم الـردي يجـلـس عيونه مخادير

قــرمٍ ولـد قــرمٍ ليــا الجــــد الأتـلـى

…….وإلكــم مــع العــراف مجد واساطير

من روس قـــــومٍ مـاتــوالـي تـولـى

…….اللــي مـع الفـرســان جـاب المـثابير

وأنتــم هـل الطـالـه دواء لكــل علاء

…….لطــامــه الـعـايـل وقــومٍ ســـوابـيــر

اهـــل العــــزاوي وكــل مـرٍ تـحـلى

…….وأيـمـانـكـم بـالصـدق تمحى العواكير

وبـأيـمــانـكــم الغــيــم عـنـكـم تـجـلى

…….تردون حوض الموت وسط الطوابير

انـتــم هــل الطــالــه ولاقــلـت كــــلا

…….ولايـجـحـد العــراف غـيــر الخنـازير

ياهل الوجـيـه البـيـض فـي كـل حلى

……..ورايـاتـكـم تـسـمو وتـبـقـى مـشـاهـير

ومـن لامنـي عـســى يـديـنـه تـشــلى

……..والاء يـصـلـب فـي حـبـال وشـنـاكير

ولايـهتـنـي بـالنـوم وانـثــاه تـتـلـــــى

……..ويمـوت فـي مـضـماه بين المعاصير

ويـاللـه اغـفـر زلتـه وانـت مــولـــى

……..وامـســح خـطاه وخـل عسره تياسير

وهـون عـــذاب وبـالبــرد إلـه بـلـــى

……..انـت الـوحـيـــد اللـي بـيــدك المقادير

عــاش بـحـيــاتـه مــارضـى بالمذلى

……..رفـيــع نـفـس ولارضـى بـالمـنـاكيـر

حـليــم زاهــد حـج مـكــــه وصـــلـى

…….وباب الشهامه مارضى له مكاســـير

والصبــر إلــه عــاده عـنـه مـاتـخـلى

……..وحــكـم القـــدر ماعارضه بالتــدابير

حــفـظ لسانه بالخـــطا مــايـــــزلـــى

……..ولاحــلـل الـزلـه وقـــول التـحـاســير

ويـاللـه تجــعـلـه مــن البـيـــض خلى

……..بعالي مـقــامٍ فـالـجـنــان النــــواضير

كمـنـه اللـي لعـيــــب غـيــــــره مفلى

……..ويســــتــــــر عيوب اعلام إلها تقارير

وشال الضعيف اللي له الشمس تصلى

……..يـبــغـــى ثـوابــك مــايـبــاها مــذاكيـر

كــم مـن ضعيفٍ فـي يــديـنه تـشـلــى

……..كــان متـشــرد بيـــن شــهـب المقاتير

ودمــح الخــطاء وحــل العقد أبه هلا

……..والحــقـد مـاشــالـه بـقـلـبــه قـنـاطيــر

والجــود طـبــعـه مـاحـمـل مـعـه غلا

……..وفـي مـذهـب اجـــداده يـديـنه مسامير

للـغـانـمـه عـايـش وبـالـطــيـــب ولاء

……..والمـــوت حــق وكـلـبــونــا مـسـافـير

يـســل ســيـف الـحــق ولـلـحــق سـلى

………والـطـاغـي امـامـه حـبـالـه مـقـاصـير

ووفــى الـعـهــد مـاقـيــل في يوم ملى

……..ولاعـيــروه بـمـجـلــسٍ فـالـمـخــاديـر

نــزيـه ولـكــل الـدنـاعــات جــــــلــى

……..رفـيــع نـفــس ومـن قــرومٍ مـخـابـيـر

وعـنـان الـمـعـالـى إلـه مـاسـك وتـلـى

……..ولاراحـت اعـمـالـه قـطيــع وطعاشير

واليــوم فـي قـبــره وحــيـــدٍ يــظـلــى

……..يـاكـبـــر فـقـــد اللـي خــذتـه المـقـاديـر

 

 

الشاعر

فواز علي سريع العازمي الروقي