بسم الله الرحمن الرحيم

الكرام زوار المجلة الكرام اهلا وسهلا بكم في مجلة الشاعر فواز علي الروقي

هذه المساجله بين الشاعرين : فواز علي الروقي والشاعر : ابو نايف العنزي

 وقد بدأها الشاعر : ابو نايف العنزي يقول :  

 

فـواز علـي ياكـاسـب النـعـم والـجـود

يالروقـي اللـي نلـت كــل الجـزيـلات

 

طيبـك ورثـة طيـب جـدٍ عـلـى جــود

بالطيـب متعـلـي بــروس الطـويـلات

 

بافعـالـكـم مـاشـفـت عـيــبٍ ومـنـقــود

من عرفتي لك وانت راع الجمـالات

 

بالطيب عصمان الشوارب لك شهود

كــلٍ شـهـد لـــك يـازبــون الـونـيـات

 

يمـنـاك كــلٍ نــال مــن فعـلـهـا فـــود

كـريــم مـاقـالــوا يـديـنــك بـخـيــلات

 

بابـك عـن الضيـفـان ماقـيـل مــردو

دمفتـوح للضيفـان فــي كــل الاوقــات

 

ربـاك علـي بالطيـب نـادر ومحـمـود

مـعـروف طيـبـه بالسنـيـن القديـمـات

 

طيـبـه ماقـيـل انـــه مـقـيـد ومـحــدود

مـع القبـايـل لــه مـواقـف وبصـمـات

 

لو مات فعـل الطيـب باقـي وموجـود

طيبـه بقـاء موجـود وسـط السجـلات

 

وصـلاة ربـي عــد ماتـرعـد رعــود

على الرسـول ازكـى سـلام وتحيـات

 الشاعر : ابو نايف العنزي

——————————————————–

 رد الشاعر : فواز علي الروقي ” شاعر الوحده والسكون ” 

يامرحبا يامعرب الخال وجدود

ترحيبةٍ تقطع جميع المسافات

 

من خاطرٍ صافي لبن ذالك العود

اللي تنومسبه بكل المهمات

 

الشايب اللي يقطع احدود وحدود

عالي ولايكسب يكود الرفيعات

 

شيخ منه اخذت للنعم والزود

يوم ان ابن غيره كسب للدنيات

 

تقول واقوالك كما السيف مجرود

وتفعل وفعلك له تهون العسيرات

 

والرجل لولا طيبه  اللي به يزود

مثل الحياه الفارغه من الحياوات

 

ويكفيك انك من نسب ذلك العود

ابن سعود مسهل للصعيبات

 

وهذاه ردي يابو نايف يامعدود

في قمة العليا واهل المروات

  الشاعر : فواز علي الروقي