بسم الله الرحمن الرحيم

اهلا وسهلا بكم في مجلة الشاعر فواز علي الروقي المعروف باسم شاعر الوحده والسكون

هنا مساجلة بين الشاعرين المعروفين : الشاعر : فوا علي الروقي والشاعر : بدر الشدادي

 وكانت البدايه مع الشاعر: بدر الشدادي حيث يقول : 

ســـلام يـافــواز مـــن خـاطــرٍٍ طـــاب

امـــن الـعــرب وكـــل مـسـلـم وقــولــه

 

شـام البهـاء تنخـى عريبـيـن الانـسـاب

تنـخـى هــل الامـجـاد فــي كــل دولــه

 

وحـنــا سهـيـنـا بـيــن مــالــذ وطــــاب

ونـشـجـع الـكــورة فـــي كـــل جــولــه

 

ونتبع هل الموضة نبا كسب الاعجاب

ومـن شانهـم نقـعـد (بكوفي)(ومـولـه)

 

مـاعـاد فيـنـا يابـيـض الـوجـه صـبـاب

لـلـكـيـف لاقــامــت تــــزاوم افـحــولــه

 

مـاعـاد بـاقـي لخـضـر الـبــن شـــراب

اقـفــى واقـفــت مــــن جـهـتـنـا ذلــولــه

 

ومـاعـا فيـنـا يابـيـض الـوجـه شـبــاب

لــنــار والــكــاذب تـقــطــع ارجــولـــه

 

وماعـاد فينـا يابيـض الـوجـه قـضـاب

لـسـيــف لاقــامـــت تــداحـــم خـيــولــه

 

وماعـاد فينـا يالـعـرب مـتـن وحـجـاب

مـتــنٍٍ يـدنــق لـلـحـمـل فــــي سـهـولــه

 

ولاعـادابــه سـتــرٍٍ لـعـذبـات الانـيــاب

مــاعـــاد فـيــنــا يالـعـتـيـبـي رجــولـــه

 

شرحت الك ماقيل في نفوس الاعراب

مــانــا كــفــو لـمـصـادمـت أي دولــــه

 

مـلـيــت مـاقـالــه ضـمـيــري فـكــتــاب

مــلــيــت عـــلـــمٍٍ بـــايـــداتٍ حــلــولـــه

 

 الشاعر : بدر الشدادي 

——————————————————————-

 رد الشاعر : فواز علي الروقي التالي : 

يامرحبا والصدر من ونتي ذاب

من فايح بالصدر يبهرك هوله

 

وحنا عيال ملوك نرسي ولانهاب

اشجع شجاع قدم اكبر بطوله

 

سادات نقهر روس سادات واشناب

ونقول قول غيرنا مايقوله

 

نصيب يوم اسلاح الانذال ماصاب

وحريبا يرضخ بعد نصف جوله

 

منته بخايب وعادي ان غيرنا خاب

وكل عاقل ياخذ على قد حوله

 

انت السعودي مايفيدوك الاجناب

ولالك صديق بعرض كونك وطوله

 

يابدر انكر كل منكر كالالباب

وحنا تحت امر الملك ومايقوله

 

تراك حر مالك اخوان واصحاب

واللي تشوفه زين يسرج خيوله

 

لاننا لسنا خونة ولا اذناب

وفي سلومنا الحكمه تكون البتوله

 

نعين  فيه اسباب والاء بلاء اسباب

ولاهمنا فالقرب عم وعموله

 

حنا وطن يعبيله الكل مضراب

لاكن تخسى اعداه واللي عبوله

 

يابدر فكر صح واحسبها احساب

ويش وخر اللي عقب قوله فعوله

 

ابن سعود اللي بتحناله ارقاب

اللي وصل بعقله وفعله لميوله

 

لاتشيل حمل الناس وتشيب ياشاب

وميقافكم لن جالكم احتموله

 

املوكنا ابخص وقد خاب من خاب

وطاعة مليكك الرسل وجبوله

 

مالك ومال الكيف والهيل والقاب

هاذي ماعاد تساوي اليوم فوله

 

راحت هل العلم النقي وأهل الانشاب

قوم مايفرقها الردي ولازحوله

 

رجال عز وجالهم يعيب مايعاب

وعليه ماتلعب  الكرام وخبوله

 

حنا رجال نتوب اللي ماقط تاب

ونورده حوض المنايا بسهوله

 

ويابدر اكبر لاتحطم بلا اسباب

وانته مليكك ماش مليك حوله

 

الحسد والحاسد ومعدوم الانساب

اللي ماتوفي لامر هم انتخوله

 

والنار دون الدار لو كانوا اقراب

والمعتدي عن داركم اردعوله

 

كثر دعاك وارج ربك بالاسباب

عساه يوصل سوريا لما يبوله

 

واختامها الصدر من ونتي ذاب

من فايح بالصدر يبهرك هوله

 

 الشاعر : فواز علي الروقي