بسم الله الرحمن الرحيم

اهلا وسهلا بكم في مجله الشاعر فواز علي الروقي

نقدم لكم مساجله شعريه بين الشاعرين الشاعر: موسى مساوي الصايغ ” موسى ابو مشهور ”

والشاعر : فواز علي الروقي ” شاعر الوحده والسكون ”

 البدايه مع الشاعر: موسى مساوي الصايغ ويقول : 

فـواز انـا ياخـوك فـي وضـع ثـانـي

ليلـي سـهـر والـنـاس يهنالـهـا الـنـوم

 

باسبابـهـا مـزيــون مـــر وعـطـانـي

كلمـه لهـا فـي داخــل القـلـب مفـهـوم

 

وانــا ثــلاث سنـيـن حـالـي بـشـانـي

مااطرد ورى الخفرات ليلا ولا يوم

 

والـيــوم واجـهـتـه كـحـيـل الـعـيـانـي

مـواجـهـه لاوعـــد فـيـهـا ومـرســوم

 

ومـن لامنـي ليتـه وقـع فــي مكـانـي

يـجـرب اللـوعـات ويـبــات مـهـمـوم

 

مـن البيـت للمسجـد خطـاي تحـدانـي

ماخبـر نفسـي للهوى تــدرج الـحـوم

 

كبـيـر سـن وعـــود وربـــي هــدانــي

على طريق أهـل الهـدى يـاالله ودوم

 

وصدفـه قبـل يوميـن حظـي رمـانـي

في شارعه وماني على الحي ملزوم

 

يالـيـت ربــي عــن مسـيـرة كـفـانـي

والا دريـت بعـالـم الغـيـب لــو يــوم

 

أستـغـفـر الله مـــن مــزلــة لـسـانــي

تكفـى يـافـواز اعطـنـي حــل معـلـوم

  الشاعر : ابو مشهور ” موسى مساوي الصايغ ” 

  

رد الشاعر : فواز علي الروقي عليه

 

من يشتكي من الود يارجل هاني

لاتشتكي لوك كسير ومحموم

 

خلك جبل واختر جزيل المعاني

مادمت عن درب الهوى صرت معصوم

 

وهمك لايدري عنه قاصي وداني

ناسٍ ماياتي من طرفها سوى اللوم

 

وعالج امورك بالعقل والسناني

واللي تشوفه صح عجلله وقوم

 

وفي خاصتك خلك رجل فهلواني

وفي خاصتك لاتشرك الفرس والروم

 

وانهاك لاتشرك بلغو اللساني

وتغضب لربك فارض الحج والصوم

 

هذا جوابي لك ياموسى وعساني

اوفيتلك وانته فهيمٍ وشغموم

 

الشاعر : فواز علي الروقي عليه
——————————————————————————–

  وهنا مساجله بسيطه بين الشاعرين والبدايه مع الشاعر:موسى مساوي الصايغ ويقول : 

رسالتك جتني ولاحـــرف مكـتوب
فـــــــواز ليت انك تعيـــد الرساله


انت العزيز اللي من الناس محبوب

نــــعم العــتيبي بالكرم والاصاله

ماقولها مازح ولا هـــو مـــــــلعوب
جات بخطوط عراض من كل حاله


  وكان الرد من الشاعر فواز علي الروقي كالتالي :

شاعر كبير ومحترف بكل عرقوب

ولاهو على كيفك تدور المحاله

يامحترف ماصار من بيننا ذنوب
ولاني بمن يتبع مسير الاحاله

تلعب وقافك قدمك العام ملعوب
والخيره كسب النعم والجماله

ومعناك يامساوي ماينصب في كوب
ولاكل رجال يلقيه باله

وشرواك غالي لو يغطونه عيوب
والنم خله للضعوف النفاله

واهلا عدد ماذعذعت نسمة غروب
في صدر اخوك اللي كريمه جماله