قصيده الشاعره : اميره الورد ” اميره الحربي “

علـى نهـج القصيـد اللـي خذانـي للمكـان الزيـن=نويت ألبس عباة الشعر والطرحـة علـى راسـي
أميرة واحتـرم نفسـي وربعـي مـن رجـال الدِّيـن=وشعري ترجمة واحساس من حبري وقرطاسي
أخذت الشعر مـن تاريـخ ماضـي واكتبـه للحيـن=وشعر ٍ غير شعر ( الراسية )يدفـن بالأطعاسـي
أحـبـك يــا فـتـاة الـوشـم يــا بـخّـوت يــا نسـريـن=لأن أشعـاركـم تـطـرق عـلـى قلـبـي وهوجـاسـي
وأنـا بنـت النشامـى وأكتـب الأشعـار زيـن وشيـن=وتـبـقـى ذكـريـاتـي عـنـدكـم فـــي داخـــل الـبـاسـي
علـى نظـم الأدب والشعـر حصـري وأنتـم الغاليـن=كـرمـكـم يسـتـمـد الـطـيـب مـــن فـــواز والـراســي
وكــل الـلـي يـمـرّون الأمـيـرة فــي رمــوش العـيـن=تواجـدهـم مـعـي يـدعـم قصـيـدي دوم وأسـاسـي
أنــا شـعـري بحر..لـكـن مايشـبـه بـحـر قـزويـن=أغـوص بـعمـق تكوينـه وأصيـد الـدر والماسـي
كتبت الشعر مدري كيف مدري ليش مدري وين=ولـكـنـي كتـبـتـه لأجـــل شـخــصٍ فـدوتــه نـاســي
وتبقـى يـا قصيـدي لـو بقـى مـن عمـرك البيتيـن=نسجـتـك بـردتـي وابـقـى عـلـى قــدّي ومقيـاسـي

رد الشاعر فواز علي الروقي على الشاعره \

هلا يامرحبا باللي فتحت لشعارها عينين= ودكت بالشعر ارض التحدي مثل جساسي
فتاة روضحت للمفرده ترويضة القاسين =وشدت له شداد دون لبس الدرع الطاسي
اميره والاميره مارضت بالهينه والدين=تصيد للسمينه والسمينه لاطيب الناسي
تترجم حسها بفنون ماهر معجز للصين =ويقهر فنها الهين ويقهر فنها القاسي
ونعم للرجال اللي لهم تنسب من العدين =لان الطيبه من طيب اهلها قلبها راسي
جنابي شعرها تقطع من اعداها على الحدين =وخصم تطعنه جرحه على كل الدواء عاسي
اميره والاماره حق بنت تنطح الغازين =وتخسي بالشعر للشين وتخسي كل وسواسي
ذهب والماس منطقها ماهوب مجمع من طين=درر من بحرها مامرت المنشار والفاسي
وترى بنت النشاما عندنا تنزل مع العالين =مصونه عن الخطا وايضا مصونه عن عمل خاسي
رجال دارنا فيها الاصيله اخت للذربين =وتعيش محشمه واخت فداها اسمي وراسي
وانا رجل على درب الجدود ارد بالصاعين=وخصمي لن وقع فالارض ماياقع ومتواسي
ووجودك تاج فوق الراس ان غبتي وان تاتين=ويوم البعد والفرقا عساه لدارنا ناسي