ياعيني اليسرى ويمناي ياهوه

يادقه المعلوق في داخل الجوف

 

ياطبي المعروف ياقاتل الأوه

ياعشي الصيفي وياعشي الصوف

 

ياعالمي وباق البشر كلها حوه

وياحسي الخافي وانسي مع الروف

 

يابرق ليلي والقمر يوم عدوه

ياشمسي اللي نورها غير موصوف

 

لملم جروح اللي جروحه تولوه

وقامن يسوقنه مثل سوق معسوف

 

اليا سرحبنه صبح بالليل غنوه

وليا سرنبه يصبح بعالم الخوف

 

تعال ريح واحد فيك عنوه

ورمم لعقل من سبايبك منسوف

 

لاتكسر الخاطر مثل من تحدوه

لو انهم يبطون قدامي اضعوف

 

هاتي معاميل الهواء يوم ذكوه

مدام حبك داخلي جندِ صفوف

 

وابكي بها اللي خافقي منك مبكوه

اهل النفاق اللي له اكتوف وردوف

 

من بابهم بالكذب والصدق صكوه

وزرع الغبينه والفتن شي مألوف

 

الشاعر

فواز علي الروقي