يالله هون لوعه الانس والجان

اللي ورى الزانات دايم عملها

اللي ماتنقل قول زورٍ وبهتان

وبعد الخطاء ياالله بين خجلها

اللي تحب الخير وتحب الايمان

وحب الولي هو نهجها ثم املها

اللي لهم في مجلس الطيب عنوان

والغانمه دايم تكرم جملها

اللي يعزون القرايب والإخوان

والبينه ماكثروا في جدلها

اللي على الإسلام نهجٍ وقرآن

ولاحاولت يوماً تتبع جهلها

خلقٍ على درب الوفاء دوم شجعان

وتخذل لمنهو بالغدر قد خذلها

بالحق هراجه على كل مرضان

اللي حقوق الغير يقتل نحلها

اللي على المعروف وأفعال الاحسان

دايم حمايلها يدرج زملها

اللي عرب بالدين من نسل عربان

ولايوم بين عيبها او خللها

وعلى المروه دايم الدوم فرسان

كسابه الزانه على من تفلها

اللي ليا قالوا تعرف بصدقان

والكذب ماخرب خليه عسلها

ولاهم على الغايب هل الحان واشحان

وكل غايبه ماسولفوا في هزلها

والنم ماحطوله بيوت وأعيان

وطبايعه ماجاملوا مرتحلها

وللشين ماقالوا ترى انت بطران

دايم حواله يشرحوله عللها

ولاتحرم الاثنين من خير مسكان

فالجنه العليا سعدمن نزلها

 

الشاعر: فواز علي الروقي