يالليل جاوبني


يالليل جاوبني متى الشمس بتبين

متى تشوف العين خل قتلنا

 

متى الزمن يجمع قلوب المحبين

ويجمع  شتات الشمل منى ومنى

 

يالليل عمري راح والحظ مسكين

وليا رفعته فوق طاح وتثنى

 

ماله حلول احلها بالقوانين

ولاهي براس الرمح تلحق ضعنا

 

ولاهي بحرب وهوش ونقول غازين

ولاهي بحلم النوم ولا إحنا غفلنا

 

عجايب في جوفها الزين والشين

 فيها امتزج بالطين هيل وبناء

 

فسرتها تفسير محكم بتقنين

ولاعرفت الصح ولا إحنا جهلنا

 

وأنا أشهد إني تايهن بين الامرين

بين الامل والياس هن ركبنا

 

وعجزت لعرف غايه اقصين وادنين

ومفهومها لن أقبلن وادبرنا

 

ويالليل كلمه آه معاد تكفين

وكثر الحكي يهدم بيوت تبنى

 

ويالليل عطنى علم عن داعج العين

عسى الحبايب بالوفاء يذكرنا

 

عن سيد الخفرات زين الحجاجين

ابو ثمان كالبرد يلعجنا

اللي كساها الزين زين على زين

بالخد والمبسم وعنق هبلنا

 

زين الوصايف صدرها فيه نهدين

مثل الزبيدي يوم بالارض شنا        

 

مملوك مالكني وأهله معادين

منهم نويت القرب س اجهلنا

 

ويالليل جاوبني ودعنا صديقين 

انت الذي بأسرار عمري محنى

 

ابوح لك بالسر مبطي وهالحين

 وليا عجزت الشيل كتفي يحنا

 

وصلاه ربي عد صوت المواذين

على رسول بالرساله مكنا

 

الشاعر

فواز علي سريع الروقي