ياهل البراحه عليكم واحد عالي

إرضوا على خافقي باللي أبا اقوله

 

وراء القمر فأرضكم عن منزله جالي

ياحي قمرا نظرها ناظر فحوله

 

سبحان ربٍ خلقها في هذا الحالي

وسبحان ربٍ عطاها اوصاف مذهوله

 

من شفتها والخيال امسى بيجتالي

على عيوني بوصفٍ باهرٍ زوله

 

ياناس ماهو حقيقي شي ابدالي

ماهو جمال طبيعي فاق معقوله

 

وصفه بهرني وجعلني امشي لحالي

ولاعني زينها تقول مسئوله

 

وصفه خيالي تفوق عن حلاء الحالي

واحلاء الحلاء فوقها بالصدق مسدوله

 

الله عطاها كيان بارع عالي

موصفه بالمزاج اللي على حوله

 

بجسمٍ صغير وقصير وممتلٍ حالي

مدفون عظمه وحدد كل مفصوله

 

ناعم حقيقي ولابه عيب جلالي

والعين من عقبها تقول مصطوله

 

ابيض كريش النعام اللي على بالي

واكحل  حور عينه كعين مخذوله

 

كعين ظبي نفر من صوت جمالي

يومه تنبه لين قنوص يحدوله

 

عينه وسيعه بتمام الضبط يرثالي

ملاك ياحيها وعيوم محموله

 

وياهوه مالي على لاماه من والي

ولحدٍ رحم حالةٍ من هيك مسلوله

 

وياناس جاني ولاسويت سوالي

حسبي على عينها بالموت مزهوله

 

وراه مبعد بيومٍ فيه كوالي

وخلاني اهذوا كهذوا ارواح معلوله

 

وخلاني اتوه بين اوله والتالي

اون وابكي وهو يقول ذكوله

 

ماهو حرام علاها موتي لحالي

لاكن حرام يعيش بدون مكفوله

 

ومن لامني ياعرب يبلاء بسلالي

ويسنه العمر كله عرضه وطوله

 

ويبلاء بحمل الحمل وتبدل الحالي

وإعداه كان امسكوه القاز يسقوله

 

وينوح بليا الم ووأجاع ياعيالي

واهله من الهالكه لبكاه يبكوله

 

ويسكن تحت شين طبع الناس واعمالي

ولاله مودٍ عليه يكثر الجوله

 

ويحرم عليه المنام ولذه المالي

وتحرم عليه السعه والنفس مغلوله

 

ويحل فيه الدمار يصيح ويلالي

ستين عام وهاذي ماتعدوله

 

حوفه يلوم الذي وصف لقيالي

للصوره اللي جزيل الوصف ماجزوله

 

ماله شبيهٍ يفوق الشمس وهلالي

والله ماله شبيهٍ لو تحدوله

 

هاذي مليك الجمال وعرشها عالي

ولاهزها كل عذراء وكل مجموله

 

هاذيك يبلاء ابوها بما تحمالي

عسى يرصه صليب الوقت بزحوله

 

حوفه كسر هاجس في صدر خيالي

واردى ا لبطل بالسهم سماء وسموله

 

ويالله لاتكره المزيون موذالي

خله راحته وخطاه مسئوله

 

وخله يرد الرياح اللي بها ارسالي

قدام حالي على الاكتاف منقوله

 

وخله ينير الظلام ويبرد الصالي

ويسقي كبودٍِ عطاشا طبها زوله

 

ويرحم لأرض المحب بكاسٍ زلالي

والاء على ارضنا وصول مرسوله

 

من بعدها  والفكر مع الخلاء الخالي

والنفس من عقبها تقول مخبوله

 

وانا اشهد ان الجمال اللي بلاء ريالي

مافيه مثله جمالٍ لو تحدوله

 

وكم ضعوف رمت ميناي وارسالي

وانا علاهم ارد الكون واحموله

 

والناس ذا طبعها تقول مايقالي

لاحكم فيهم وحكيم القول مقبوله

 

الشاعر

فواز علي الروقي

Advertisements