ياهيه ياللي كنت أعرفك وناسيك =حلمٍ حلمته طار وألاء نسيته

أحد عشر عامٍ وأنا بايهن بيك=بعد توفر كل شيٍ بغيته

وعشرٍ منول في حياتك تمشيك=راحت وصيدك يالغبي ماشويته

وشفيك يالمسكين وشفيك وشفيك =وشفيك حي وميت أخس ميته

كنت متقوي منهو اللي مقويك =اللي عشانه بعت للي شريته

وبالرخص بعت الجاه وأيضا لهاليك=وعزٍ يعزك أنت هديت بيته

ألين للشيطان أرخيت اذانيك =ومشاك في وضعٍ  قبل مامشيته

وخلاك فالخزيا ترمع بأياديك =واعي وفعلك يالغبي ماوعيته

أنكرت دينك متحدي لواليك =اللي ماينسى كل سعيٍٍ سعيته

عاله على ربعك وعاله لعوانيك=ياكبر حثاله علمنا ماخفيته

تشهد به الأقراب وايضا معاديك=وكل العرب تشهد على ماقريته

يسوقك المنكر ليا اخذت كافيك=سوق النديب اللي بعيدٍ مبيته

ومن خارج الواقع تبرمج هقاويك =والمستحيل مسهله ثم جيته

صنفت نفسك ديك ماينطحه ديك=والناس اناثلك اخذ ماجنيته

تفتل وتنقض ياعلم ويش أناديك=ياسيد الخفرات ياشبه صيته

فاهم وفهمك يبطل اللي حواليك=لاكن فهمك مانحى من نحيته

شطبت من كيفك وتضرب تماتيك=غازي ولاكن وقعك من غزيته

وتمشي وراسك يابطلنا يباريك=والناس تضحك يوم راسي هجيته

هذاه وانته عارفٍ زين يابيك=باني رميتك في هولك هويته

يبقى على أبناءك وأيضا بنيخيك=وأجيالكم تارث مسارٍ بديته

 

الشاعر

فواز علي الروقي